Über sich:Wir geniessen die Ferien im Ländle. Wünsche all meinen Lesern ein gesegnetes Pfingstfest.
Mitglied seit:15.08.2002
Erfahrungsberichte:1033
Vertrauende:287
Diesen Bericht teilen auf
Dieser Erfahrungsbericht wurde von 104 Ciao Mitgliedern durchschnittlich als sehr hilfreich bewertet
Gomaringa
Gomaringa isch an wunderscheener Flecka, der braucht sich en der Weld ed z' verstecka. Vom Hernle oba koschd bis zur Alde Burg na laufa, da kommschd no ed ens Schnaufa.
Uf dem Radlerbladz da gohds auf ond ab, au suschd halded se sich da mid em Rad uf Trab. Beim Kunstradferei isch a Menge los, da standad se uf da Saddel on da Lenker blos.
'S Schloss a jeder kennd, D' Gomarenger selbschd da an Weibau hend! Am Schlossberg wechsd der guade Wei, des muas a edles Drebpfle sei.
Ond von denne fiale Baumwiasa, geids an Obschdler z' geniessa. D' Epfel sen fiar da Moschd ufglesa, am Samschdich schwengad Weiber zom Butza ihre Besa.
Kender send hier an willkommaner Sega, iber Kender dud sich hier koiner ufrega. Au s Kirchaleba wird hier graus gschrieba, drom den mir ja den Flecka solieba.
Zom Vaderdag gods na zom Buchbachfeschd, da kommad a Menge gud glaunde Geschd. Blos regnads da meischdens no, des derra Stemmeng au nix ohaba ko!
'S Kirchaleba z' Kircha
Kircha muas i loba, i wohn gans em Flegga oba. Da moa dia ganse Kircha sen, ond i an jeda kenn.
Kofirmatsiona sen da em Mai, au onser Medle isch des mol dabei. Mit Papierrosa gschmickde Tanna standad no am Eigang drana.
Ond an Fronleichnam kommad ausre Katholika, mir evangelische den na helanga hender'm Vorhang raus spicka. Na kommd dia Prozessio an auserm Haus vorbei, ond elle Katholika sen mid dabei.
Der Pfarrer hods Heiligschde dabei, ond henda kommd der Musikverei. Ond vor d'r Kirch an Blomadebbich leid. Ond God ons elle sein Sega geid.
Au Kirch em Greena geid's em Wald, zom rauda Dor musch na hald. An Pfingsta gods an Oisiedel nuf, mir dankad daß God hier onser Hoimed schuf!
D'r Frialengsbutz
D'Sonn scheind jetzad mid eller Krafd, derweila mer no em Haus dren schaffd.
Der Dreg vom Wender machad mir jetzad weg, da schrubbad mer elle Fleg.
Der alde Krempel kommd glei zom Sperrmial raus, on d Gardastial hola mer scho mal raus. ,
09.11.2012 22:06
Ich habe mich gerade dasselbe gefragt wie Wolle_K. Ich als Kölnerin verstehe nur Bahnhof ;D
30.05.2012 16:30
Kennt hier einer einen Übersetzer?
19.05.2012 12:36
Ein schöner Einblick - wirkt gerade durch den Mundartstil...:-)) lg